سَوَاءٌ عَلَيْهِمْ أَسْتَغْفَرْتَ لَهُمْ أَمْ لَمْ تَسْتَغْفِرْ لَهُمْ لَنْ يَغْفِرَ اللَّهُ لَهُمْ ۚ إِنَّ اللَّهَ لَا يَهْدِي الْقَوْمَ الْفَاسِقِينَ
നീ അവര്‍ക്കുവേണ്ടി പൊറുക്കലിനെ തേടലും അതല്ലെങ്കില്‍ നീ അവര്‍ക്കു വേണ്ടി പൊറുക്കലിനെ തേടാതിരിക്കലും അവരുടെ കാര്യത്തില്‍ സമമാണ്, അല്ലാഹു അവര്‍ക്ക് പൊറുത്ത് കൊടുക്കുകയില്ല തന്നെ, നിശ്ചയം ഇത്തരം തെമ്മാടികളായ ജനതയെ അല്ലാഹു സന്മാര്‍ഗത്തിലേക്കാക്കുകയില്ലതന്നെ!
അല്ലാഹുവിനെയും പ്രവാചകനെയും ഗ്രന്ഥത്തില്‍ മൂടിവെച്ച് പിശാചിനെ ജീവിപ്പി ക്കുന്ന അല്ലാഹുവിന്‍റെയും വിശ്വാസികളുടെയും ശത്രുക്കളായ കപടവിശ്വാസികള്‍ക്ക് വേണ്ടി പ്രവാചകന്‍ എന്നല്ല, ലോകത്തുള്ളവര്‍ മുഴുവനും പൊറുക്കലിനെ തേടിയാലും അല്ലാഹു പൊറുത്ത് കൊടുക്കുകയില്ല എന്നാണ് സൂക്തം മുന്നറിയിപ്പ് നല്‍കുന്നത്. മനു ഷ്യരുടെ ഐക്യം സ്ഥാപിക്കാനും ജീവിതലക്ഷ്യം തിരിച്ചറിയാനുമുള്ള ഉപകരണവും ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്ര്‍ സ്വയം ഉപയോഗപ്പെടു ത്താതിരിക്കുകയും മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കാതിരിക്കുകയും ചെയ്തുകൊണ്ട് പ്രപഞ്ചം നശിച്ചുകൊണ്ടിരിക്കുന്നത് നിസ്സഹായരായി നോക്കിനില്‍ക്കുകയും മ നുഷ്യരുടെ ഐക്യത്തിന് വേണ്ടി പ്രവര്‍ത്തിക്കാതെ സ്വന്തം ജനതയുടെ ഐക്യത്തിന് വേണ്ടി മാത്രം പ്രവര്‍ത്തിക്കുകയുമാണ് ഇവര്‍ ചെയ്യുന്നത്.
2: 6-7, 18, 170-171 സൂക്തങ്ങളില്‍ വിവരിച്ച പ്രകാരം സ്വര്‍ഗത്തിലേക്കുള്ള ടിക്കറ്റായ അദ്ദിക്റിനെത്തൊട്ട് ബധിരരും ഊമരും അന്ധരുമായ ഇക്കൂട്ടര്‍ 7: 37 ല്‍ പറഞ്ഞ പ്രകാരം മരണസമയത്ത് ആത്മാവിനെതിരെ കാഫിറാണെന്ന് സാക്ഷ്യം വഹിച്ച് ജീവന്‍ വെടിയുന്നതാണ്. ഇക്കൂട്ടരില്‍ പെട്ടവര്‍ ആര് മരിച്ചാലും അവര്‍ക്കുവേണ്ടി പൊറുക്കലിനെ ത്തേടാനോ അവരുടെ ഖബറിന്‍റെയടുത്ത് നില്‍ക്കാനോ പ്രവാചകനും വിശ്വാസിക്കും അനുവാദമില്ല എന്ന് 9: 84-85 ല്‍ ഫുജ്ജാറുകളായ കുഫ്ഫാറുകള്‍ വായിച്ചിട്ടുണ്ട്. 2: 44 ല്‍ വിവരിച്ച പ്രകാരം ജനങ്ങളോട് പുണ്യം കൊണ്ട് കല്‍പിക്കുകയും സ്വന്തം കാര്യത്തില്‍ അത് വിസ്മരിച്ച് ജീവിക്കുകയും ചെയ്യുന്ന ചിന്താശക്തി ഉപയോഗപ്പെടുത്താത്തവരും ആത്മാവ് എടുത്തുകളയപ്പെട്ടവരുമായ കപടവിശ്വാസികള്‍ 1000 സമുദായങ്ങളില്‍ പെട്ട ജീവികള്‍ നാഥനെ ആത്മാവുകൊണ്ട് കീര്‍ത്തനം ചെയ്യുകയും നമസ്കരിക്കുകയും ചെയ്യുന്നുണ്ടെന്ന ബോധമില്ലാതെ 30-ാമത്തെ കള്ളവാദിയായ മസീഹുദ്ദജ്ജാലിനെ ആനയിച്ചുകൊണ്ട് പ്രപഞ്ചം നശിച്ചുകാണാന്‍ ധൃതിപ്പെട്ടുകൊണ്ടിരിക്കുകയാണ്. ഈസാ രണ്ടാമതുവന്ന് മസീഹുദ്ദജ്ജാലിനെ വധിക്കുന്നതോടുകൂടി അന്ന് ഇസ്ലാം അംഗീകരിക്കുന്ന പ്രവാചകന്‍റെ സമുദായത്തില്‍ പെട്ട ഇതര ജനവിഭാഗങ്ങള്‍ ഇക്കൂട്ടരെ വധിക്കുന്നതും 4: 91; 5: 33; 9: 5, 123; 33: 60-61 എന്നീ സൂക്തങ്ങളുടെ കല്‍പന നടപ്പില്‍ വരുത്തുന്നതുമാണ്. 9: 24, 80; 24: 55; 61: 5 എന്നീ സൂക്തങ്ങള്‍ 'തെമ്മാടികളായ ജനതയെ അല്ലാഹു സന്മാര്‍ഗത്തി ലാക്കുകയുമില്ല' എന്ന് പറഞ്ഞുകൊണ്ട് അവസാനിക്കുന്നവയാണെങ്കില്‍, 'നിശ്ചയം ഇ ത്തരം തെമ്മാടികളായ ജനതയെ അല്ലാഹു സന്മാര്‍ഗത്തിലാക്കുകയില്ലതന്നെ' എന്ന് പ റഞ്ഞുകൊണ്ട് അവസാനിക്കുന്ന ഏക സൂക്തമാണ് ഇത്. 2: 165-167; 3: 21-22, 112 വിശദീ കരണം നോക്കുക.